මීගොඩ ආර්ථික මධ්‍යස්ථානය අද සිට වසා දැමේ

මීගොඩ ආර්ථික මධ්‍යස්ථානය (29) දින සිට වසා දැමීමට තීරණය කර ඇති බව මීගොඩ ආර්ථික මධ්‍යස්ථානයේ කළමනාකරු ලසන්ත සංජීව මහතා ප්‍රකාශ කළේය.

පසුගිය දිනක මීගොඩ ආර්ථික මධ්‍යස්ථානයේ වෙළෙඳ සලක පුද්ගලයෙකුට කොවිඩ්-19 වැළඳී ඇති බව අනාවරණය වීමෙන් පසු මෙම පියවර ගෙන තිබේ.

එම ආසාදිතයා මේ වන විට ප්‍රතිකාර සඳහා IDH රෝහල වෙත යොමු කර ඇත.

ඔහුගේ ආශ්‍රිතයන් 06 දෙනෙකුට කොවිඩ්-19 වැළඳී ඇති බව මේ වන විට තහවුරු වී ඇතැයි ගොඩගම මහජන සෞඛ්‍ය පරීක්ෂක කේ. ජී. එස්. මයුර පුෂ්ප මහතා ‘මව්බිම’ වෙබ් අඩවියට ප්‍රකාශ කළේය.

ආර්ථික මධ්‍යස්ථානයේ සේවකයන් පිරිසකගේ PCR සාම්පල හෙට දිනයේ ද ලබා ගැනීමට නියමිත බව මහජන සෞඛ්‍ය පරීක්ෂකවරයා තවදුරටත් ප්‍රකාශ කළේය.

ආර්ථික මධ්‍යස්ථානය හෙට දින වසා දැමුවද එය විවෘත කරන දිනයක් තවමත් තීරණය කර නොමැති බව මීගොඩ ආර්ථික මධ්‍යස්ථානයේ කළමනාකරු ලසන්ත සංජීව මහතා තවධුරටත් ප්‍රකාශ කළේය.