හැමිල්ටන් ඇලේ අබිරහස් මළසිරුරක් බෝට්ටු එන්ජිමක පැටලිලා! හිසේ දරුණු තුවාලයක්!!
වත්තල, හේකිත්ත පන්සල ඉදිරිපිට හැමිල්ටන් ඇළේ ඇලේ ගමන් ගත් ධීවර යාත්‍රාවක එන්ජිමේ මළ සිරුරක් ඇමිණී තිබී සොයාගෙන ඇත.
අඩි 5 අඟල් 4 ක් උසැති, වයස 45 ක පමණ පුද්ගලයකුගේ මළ සිරුරක් මෙලෙස හමු වී ඇති අතර මළ සිරුරේ හිසෙහි තුවාලයක් ද දක්නට හැකි බව සඳහන්ය.
ධීවර කටයුතු සඳහා අළුයම හැමිල්ටන් ඇළෙහි යාත්‍රාව පදවමින් සිටිය දී හේකිත්ත පාළම යටදී සිය යාත්‍රාව ක්‍රියා විරහිත වූ බවත්, යාත්‍රාවේ දෝෂය පරීක්ෂා කිරීමට තමන් දියට බැස්ස බවත් ඒ අවස්ථාවේ පුද්ගලයෙකු එන්ජිමෙහි ඇමිණී සිටින බව දුටු බවත් සිරුර සොයාගත් ධීවර මහතා ප්‍රකාශ කොට ඇත.
සිරුර කාගේ දැයි තවමත් හඳුණාගෙන නැති අතර මෙම අබිරහස් මරණය පිළිබඳ තොරතුරු ලබාගැනීම සඳහා වත්තල පොලීසිය මහජන සහය පතයි.
වත්තල පොලිසියේ ස්ථානාධිපති ප්‍රධාන පොලිස් පරීක්ෂක ලලිත් සිලෝගම මහතාගේ උපදෙස් මත උප පොලිස් පරීක්ෂක රිශාන් සේනානායක මහතා ඇතුලූ නිලධාරින් පිරිසක් වැඩිදුර පරීක්ෂණ පවත්වයි.