බුද්ධි අංශ රට පුරා යයි! 68කගේ ළගම අය සොයයි!
වේගවත් ව්‍යාප්තියක් ඇති ඉන්දීය ඩෙල්ටා සැර කොරෝනා වයිරස ප්‍රභේදය ආසාදනයවූ තවත් 30 දෙනෙකු දිවයිනේ ප්‍රදේශ 14කින් හමුවී ඇතැයි සෞඛ්‍ය අංශ පවසයි.
මේ අනුව මෙරටින් මේදක්වා හමුවී ඇති ඩෙල්ටා කොරෝනා ආසාදිතයන් සංඛ්‍යාව 68ක් දක්වා ඉහළ යනු ඇත.
කරුණාකර අපේ ෆේස්බුක් පිටුව ලයික් කරන්න!
කොළඹ දිස්ත්‍රික්කයේ කොලොන්නාව, කෝට්ටේ, රත්මලාන, අංගොඩ, නවගමුව, ගල්කිස්ස, කැස්බෑව යන ප්‍රදේශවලින්ද ගම්පහ දිස්ත්‍රික්කයේ රාගම මීගමුව ,මහබාගේ කටුනායක සහ බේරුවල යන ප්‍රදේශවලින්ද මෙම රෝගීන් වාර්තාවී ඇති බව සෞඛ්‍ය අංශ ප්‍රකාශකයෙක් පැවැසීය .
මේ අනුව මෙම ආසාදිතයන්ගේ ආශ්‍රිතයන් සොයා ගැනීමේ පරීක්ෂණ සෞඛ්‍ය අංශ සහ බුද්ධි අංශ විසින් ඊයේම අරඹනු ලැබීය.
මෙයට පෙර ගාල්ල, මාතර, දඹුල්ල, වව්නියාව, මුලතිව්, සහ ත්‍රිකුණාමලය යන ප්‍රදේශවලින්ද ඩෙල්ටා කොරෝනා වයිරස ප්‍රභේදය ආසාදනයවූ රෝගීන් හඳුනාගනු ලැබ තිබිණ .