රට වහන්නේ නෑ! PCR වැඩි කරන්න! ජනපති උපදෙස් දෙයි!
රට වහන්නේ නෑ! PCR වැඩි කරන්න! ජනපති උපදෙස් දෙයි!
යස අවුරුදු 60ට වැඩි නිදන්ගත රෝග ඇති පුද්ගලයන්ට කොවිඩ් ආසාදනය වී ඇත්දැයි සොයා බැලීම සඳහා පීසීආර් පරීක්ෂණ කඩිනමින් සිදුකරන ලෙස ජනාධිපති ගෝඨාභය රාජපක්ෂ මහතා සෞඛ්‍ය අමාත්‍යාංශයට ඊයේ (12) උපදෙස් ලබාදී ඇත.
කොවිඩ් ආසාදිතව මිය යන පුද්ගලයන්ගෙන් බහුතරය වයස අවුරුදු 60 ඉක්මවූවන් බැවින් මරණයෙන් ඔවුන් ආරක්ෂා කරගැනීම සඳහා මෙම පියවර ගැනීමට නියමිතය.
වයස අවුරුදු 60 ඉක්මවූවන්ගේ පීසීආර් පරීක්ෂණ සිදුකර ඔවුන්ට රෝගය වැලඳී ඇත්දැයි පරීක්ෂා කිරීමට නියමිත අතර මෙහිදී දියවැඩියාව, හෘද රෝග, වකුගඩු රෝග වැනි බෝ නොවන රෝගවලට ගොදුරු වී ඇති වයස අවුුරුදු 60 ඉක්මවූවන්ට පීසීආර් පරීක්ෂණ සිදු කෙරේ.
එහිදී තවදුරටත් ජනාධිපතිවරයා සෞඛ්‍ය ප්‍රධානීන්ට අවධාරණය කර ඇත්තේ රට වසා දැමීම සඳහා තමන් කිසිදු තීරණයක් ගෙන නොමැති බවයි.
ජනාධිපතිවරයා හා සෞඛ්‍ය බලධාරීන් අතර ඊයේ (12) පැවති සාකච්ඡාවේදී මෙම උපදෙස් ලබාදී ඇත.
මෙම වැඩපිළිවෙළ ක්‍රියාත්මක කිරීම සඳහා ප්‍රාදේශීය සෞඛ්‍ය බලධාරීන් ද දැනුවත් කරමින් සෞඛ්‍ය අමාත්‍යාංශය චක්‍රලේඛයක් නිකුත් කිරීමට නියමිතය.