මේ අයට පළාත් සීමා කඩන්න පුළුවන්!
පළාත් අතර ගමන් කිරීමට අවසර ලැබෙන කණ්ඩායම් 9 ක් සෞඛ්‍ය අමාත්‍යාංශය විසින් අද (19) ප්‍රකාශයට පත් කරනු ලැබීය.
මේ අනුව පළාත් අතර ගමන් කිරීමට මෙසේ අවසර ලැබෙනුයේ සෞඛ්‍ය සේවා, පොලිසිය, ත්‍රිවිධ හමුදාව , රාජ්‍ය නිලධාරීන් අත්‍යවශ්‍ය නිල චාරිකාවල නිරත වන්නන්, අත්‍යවශ්‍ය භාණ්ඩ බෙදා හරින්නන්, උපයෝගීතා සේවාවල නිරතවන්නන්, පවුලේ සමීපතම මරණයක් සඳහා ගමන් කරන පුද්ගලයන් සහ වරාය හා ගුවන් තොටුපොළ සඳහා ගමන් කරන්නන් යන කණ්ඩායම්වලටය.
කරුණාකර අපේ ෆේස්බුක් පිටුව ලයික් කරන්න!
මේ පිරිස්වලට ලබන 31වැනිදා දක්වා පළාත් අතර ගමන් කිරීමට මේ අනුව අවසර හිමිවනු ඇත.
පවුලේ සමීපතම පුද්ගලයකුගේ මරණයක් සඳහා ගමන් කරන පුද්ගලයන් සහ වරාය ඔහු ගුවන්තොටුපොළ සඳහා යන පුද්ගලයන් ඒ සඳහා සාක්ෂි ලියකියවිලි ඉදිරිපත් කළ යුතු බව සෞඛ්‍ය අමාත්‍යාංශය නිකුත් කළ නිවේදනයක සඳහන් වේ.