කොළඹ කොටස් වෙළෙඳපොළ ඉතිහාසයේ නව වාර්තාවක්

කොළඹ කොටස් වෙළෙඳපොළ ඉතිහාසයේ නව වාර්තාවක් තැබීමට සියලු කොටස් මිල දර්ශකයේ අද (26) සමත් විය.

ඒ, එහි ඉහළ ම අගය වාර්තා කරමිනි.

අද දින ගනුදෙනු අවසානයේ දී සියලු කොටස් මිල දර්ශක අගය ඒකක 8,920.71 ක් ලෙසින් සටහන් වී තිබුණි.

මීට පෙර 2021 ජනවාරි 27 දින ‌සියලු කොටස් මිල දර්ශකයේ ඉහළම අගය වාර්තා වූ අතර එදින එය දැක්වුණේ ඒකක 8,812.01 ක් ලෙසය.

මේ අනුව අද දින පෙර දිනයට සාපේක්ෂව ඒකක 164.08 කින් හෙවත් 1.87% කින් සියලු කොටස් මිල දර්ශකය ඉහළගොස් තිබුණි.

දෛනික පිරිවැටුම රු. බිලියන 10.49ක් ලෙස සටහන් වුණි.