ජිනීවා මානව හිමිකම් සැසිය අද ඇරඹේ
එක්සත් ජාතීන්ගේ මානව හිමිකම් කවුන්සිලයේ 48 වැනි සැසිවාරය අද ජිනිවාහි දී ආරම්භ වෙනවා.
පළමු දිනයේදි ම ශ්‍රී ලංකාව සම්බන්ධයෙන් මානව හිමිකම් මහකොමසාරිස්වරියගේ වාචික වාර්තාව ඉදිරිපත් කිරීමට නියමිත යි.
මෙම සැසිවාරය ඔක්තෝබර් 8 වැනි දා දක්වා පැවැත්වෙනු ඇති.
මානව හිමිකම් කවුන්සිලයේ 46 වැනි සැසිවාරයේ දී ශ්‍රී ලංකාවේ සංහිඳියාව, වගවීම සහ මානව හිමිකම් ප්‍රවර්ධනය සම්බන්ධයෙන් යෝජනාවක් සම්මත කෙරුණා.
එම යෝජනාවට අනුව ශ්‍රී ලංකාව අත්කරගෙන ඇති ප්‍රගතිය සම්බන්ධයෙන් වාචික වාර්තාවක් මානව හිමිකම් පිළිබඳ එක්සත් ජාතීන්ගේ මහකොමසාරිස් මිචෙල් බැචලේ විසින් අදින් ඇරඹෙන සැසිවාරයට ඉදිරිපත් කිරීමට නියමිත යි.
ඒ පිළිබඳ සාමාජික රටවල විවාදය හෙට පැවැත්වෙනවා.