තවත් ෆයිසර් එන්නත් මාත්‍රා 76,000ක් දිවයිනට
ශ්‍රී ලංකාව විසින් මිල දී ගත් ෆයිසර් එන්නත් මාත්‍රා 76,000ක් අද අලුයම දිවයිනට රැගෙන එනු ලැබුවා.
එමෙන්ම ශ්‍රී ලංකාව විසින් මිල දී ගත් ස්පුට්නික් එන්නත් මාත්‍රා එක් ලක්ෂ විසිදහසක් සහ සයිනොෆාම් එන්නත් මාත්‍රා ලක්ෂ 40ක් මෙම සතියේ දී ශ්‍රී ලංකාවට ලැබීමට නියමිත යි.
කරුණාකර අපේ ෆේස්බුක් පිටුව ලයික් කරන්න!
අද අලුයම 2.15ට කටුනායක ගුවන් තොටුපොළ වෙත රැගෙන එනු ලැබූ ෆයිසර් එන්නත් මාත්‍රා 76,000 කිලෝග්‍රෑම් 445ක් බරැති පෙට්ටි තුළ අසුරා තිබුණා.
නෙදර්ලන්තයේ ඇමැස්ටර්ඩෑම් නුවර සිට පළමුව කටාර් රාජ්‍යයේ දෝහා වෙත ගුවන් මඟින් රැගෙන එනු ලැබූ මෙම එන්නත් තොගය පසුව කටාර් ගුවන් සේවයට අයත් භාණ්ඩ ප්‍රවාහන යානයකින් මෙරටට රැගෙනවිත් තිබෙනවා.