ඇෆ්ගනිස්ථානයේ දේවස්ථානයක පිපිරීමෙන් මියගිය ගණන 100ක් දක්වා ඉහළට
ඇෆ්ගනිස්ථානයේ කුන්දුස් නුවර දේවස්ථානයක සිදුවූ පිපිරීමෙන් මියගිය සංඛ්‍යාව 100ක් දක්වා ඉහළ ගොස් තිබෙනවා.
එරට පොලිසිය මේබව තහවුරු කර ඇති බවයි විදෙස් මාධ්‍ය වාර්තා කළේ. ප්‍රහාරයේ වගකීම මෙතෙක් කිසිවෙකුත් භාරගෙන නොමැති වුවත් ප්‍රදේශයේ ක්‍රියාත්මක ඉස්ලාමීය අන්තවාදී සංවිධාන මෙම ප්‍රහාරය පිටුපස සිටින බවටයි විශ්වාස කෙරෙන්නේ.
කරුණාකර අපේ ෆේස්බුක් පිටුව ලයික් කරන්න!
මෙම ප්‍රදේශයේ මීට පෙර ද එම අන්තවාදී සංවිධාන විසින් දේවස්ථාන ඉලක්ක කර ප්‍රහාර සිදුකර තිබීම ඊට හේතුවයි.
අද දේව මෙහෙය පැවැත්වෙන අවස්ථාවේ මෙම බෝම්බ පිපිරීම සිදුව ඇති අතර තවත් විශාල පිරිසක් තුවාල ලබා රෝහල් ගතකර තිබෙනවා.
තලේබාන් සංවිධානය ඇෆ්ගනිස්ථානයේ බලය තහවුරු කර ගැනීමත් සමග නේටෝ සහ ඇමරිකානු හමුදා එරටින් ඉවත් වුනා.
එම හමුදා ඉවත්වීමෙන් පසු එල්ලවූ දරුණුතම ප්‍රහාරය ලෙසටයි අද සිදුවූ පිපිරීම සැලකෙන්නේ.
