ලංකාව කඩුලු 5කින් බංගලාදේශය පරදවයි!

2021 විස්සයි 20 ලෝක කුසලානයේ සුපිරි 12 දෙනාගේ වටයේ ශ්‍රී ලංකාව සහ බංග්ලාදේශය අතර අද (24) පැවැත්වුන විස්සයි විස්ස තරඟය කඩුලු 5කින් ජයගැනීමට ශ්‍රී ලංකාව සමත් විය.

පළමුවෙන් පන්දුවට පහරදුන් බංග්ලාදේශ කණ්ඩායම පන්දුවාර විස්ස අවසානයේ කඩුලු 4 පමණක් දැවී ලකුණු 171 රැස් කිරීමට සමත් විය.

පිළිතුරු වශයෙන් පන්දුවට පහරදුන් ශ්‍රී ලංකා පිල, පන්දුවාර 18.5කදී කඩුලු 5ක් දැවී සිය ඉලක්කය කරා යාමට සමත් විය.

ශ්‍රී ලංකා ඉනිම වෙනුවෙන් නොදැවී ලකුණු 80ක් රැස් කළ චරිත් අසලංක තරගේ වීරයා ලෙස නම් කෙරුණි.