රවීන රංගන ශිල්පී රොබින් ප්‍රනාන්දු මහතා අභාවප්‍රාප්ත වී ඇත
දශක කිහිපයක්ම රංගනයේ යෙදුනු ප්‍රවීන රංගන ශිල්පී රොබින් ප්‍රනාන්දු මහතා අද (08) උදෑසන අභාවප්‍රාප්ත වී ඇත.
දක්ෂ සටන් නළුවකු වූ ඔහු රංගනයෙන් එක්වූ චිත්‍රපට ගණන සියයකට ආසන්නය.
කරුණාකර අපේ ෆේස්බුක් පිටුව ලයික් කරන්න!
මිය යන විට ඒ මහතා 84 වැනි වියේ පසු වූ ඒ මහතා වසර දෙකකට ආසන්න කාලයක් තිස්සේ පාකින්සන් රෝගය සඳහා ප්‍රතිකාර ලබා ගෙන ඇත.
සිංහල සිනමාවේ අසහාය සටන් නළුවෙකු ලෙස සැලකෙන අභාවප්‍රාප්ත ප්‍රවීණ නළු රොබින් ප්‍රනාන්දු මහතාගේ දේහය පිළිබඳ අවසන් කටයුතු හෙට (09) සිදු කිරීමට නියමිතය.
දේහය මේ වනවිට බොරැල්ල පෞද්ගලික මල් ශාලාවක තැන්පත් කර තිබේ.
‘චන්ඩියා‘ චිත්‍රපටයෙන් රංගනයට පිවිසි රොබින් ප්‍රනාන්දු මහතා, රංගනයෙන් දායක වූ චිත්‍රපට සංඛ්‍යාව සියයකට වැඩිය. එමෙන්ම සිංහල සිනමාවේ සටන් අධ්‍යක්‍ෂවරයෙක් ලෙස ද ඔහු කටයුතු කළේය.