නිදහස්වූ රන්ජන් , විපක්ෂනායක කාර්යාලයේ ….. (Video)
ජනාධිපති සමාව ලැබූ හිටපු රාජ්‍ය අමාත්‍ය රන්ජන් රාමනායක මහතා මීට මොහොතකට පෙර වැලිකඩ බන්ධනාගාරයෙන් පිටතට පැමිණියේය.
ඔහු පිළිගැනීම සඳහා විපක්ෂනායක සජිත් ප්‍රේමදාස, ඇමති මනූෂ නානායක්කාර, පාර්ලිමේන්තු මන්ත්‍රීවරුන් වන නලීන් බණ්ඩාර, හර්ෂණ රාජකරුණා යන මහත්වරු ද බන්ධනාගාරයට පැමිණ සිටියහ.
රාමනායක මහතා නිදහස් වන අවස්ථාව දැකගැනීමට විශාල පිරිසක් බන්ධනාගාරය අසල රැඳී සිටි අතර ඔවුහු ප්‍රීති ඝෝෂා නගමින්, රතිඤ්ඤා දල්වමින් තම සතුට පළ කළහ.
එළියට පැමිණි රන්ජන් මුලින්ම ගංගාරාමයට! දෙවනුව විපක්ෂනායක කාර්යාලයට!
විපක්ෂ නායක සජිත් ප්‍රේමදාස මහතා සහ රන්ජන් රාමනායක මහතා ඇතුළු පිරිස මේ වනවිට ගංගාරාමයේ ආගමික කටයුතුවලට සහභාගී වී සිටින බව වාර්තා වේ.
ඉන් අනතුරුව රන්ජන් රාමනායක සහභාගි වන විශේෂ ප්‍රවෘත්ති සාකච්ඡාවක් තව සුළු මොහොතකින් පැවැත්වීමට නියමිතය.
අංක 30, විපක්ෂ නායක කාර්යාලයේදී මෙම ප්‍රවෘත්ති සාකච්ජාව පැවැත්වේ.
LIVE