මොණරාගල ASP සිසිල කුමාර ගංජා තොගයක් සමඟ අත්අඩංගුවට!
මොණරාගල ජ්‍යෙෂ්ඨ පොලිස් අධිකාරී සිසිල කුමාර හේරත් වියලි ගංජා තොගයක් සමඟ සිය නිල නිවසේදී ඊයේ සවස (08) අත්අඩංගුවට ගෙන තිබේ.
පොලිස් විශේෂ කාර්ය බලකායට ලද තොරතුරක් මත එහි නැගෙනහිර පළාතේ විශේෂ විමර්ශණ කණ්ඩායමක් විසින් ඔහුගේ නිල නිවස පරීක්ෂා කිරීමේදී වියලි ගංජා කිලේ ග්‍රෑම් 15කට ආසන්න තොගයක් එහි තිබූ බව පොලිස් ආරංචි මාර්ග සඳහන් කරයි.
මෙම පොලිස් අධිකාරිවරයා ප්‍රදේශයේ නිධන් හැරීම සඳහා කණ්ඩායමක් මෙහෙයවන බවට ලද විශ්වාසනිය තොරතුරක් විශේෂ කාර්ය බලකායට ලැබී ඇති බව සඳහන් වේ.
ඒ අනුව ඔහු සම්බන්ධයෙන් අවධානය යොමු කරමින් සිට ඇති අතර පසුගියදා ඔහුගේ නිල නිවස පරීක්ෂා කිරීමට පියවර ගෙන ඇති බව සඳහන් වේ. තවත් චෝදනා ගණනාවක් ඔහුට එල්ල වී ඇති අතර ප්‍රදේශයේ ප්‍රබල දේශපාලකයකුගේ අනුගහයද ඔහුට නිරන්තරව ලැබෙන බව කියවේ
මෙම පොලිස් නිලධාරියා 2019 වසරේ පාස්කු ඉරිදා බෝම්බ ප්‍රහාරය සම්බන්ධයෙන්ද චෝදනා එල්ල වී ඇති පුද්ගලයකු වන අතර, ඔහු පසුගිය කාලයේ තමන් පාස්කු ප්‍රහාරයෙන් බේරා දෙන ලෙස මහ නාහිමිවරුන්ගෙන් ඉල්ලා සිටීමට පැමිණි පොලිස් කණ්ඩායමද නියෝජනය කළ අයෙකි.