ඉන්දීය අගමැති සහ ජපන් අගමැති ලංකාවේ ණය අර්බුදය සම්බන්ධීකරණයට එකඟ වෙයි!
ඉන්දීය අග්‍රාමාත්‍ය නරේන්ද්‍ර මෝදි හා ජපන් අග්‍රාමාත්‍ය ෆුමියෝ කිෂිඩා ශ්‍රී ලංකාවේ ණය අර්බුදය සම්බන්ධයෙන් සාකච්ඡා කර එය සම්බන්ධීකරණය කිරීමට එකඟ වූ බව ජපන් නිල ආරංචි මාර්ග සඳහන් කර තිබේ.
ජපානයේ පැවැත්වෙන ජී 7 සමුළුව සඳහා ඉන්දියාව ඇතුලුව ඕස්ට්‍රෙලියාව, කුක් අයිලන්ඩ්, බ්‍රසීලය, වියට්නාමය, ඉන්දුනීසියාව හා තවත් රටවල්වලට ආරාධනා කළ බව නිල ආරංචි මාර්ග වාර්තා කර ඇත. යටිතල පහසුකම් සම්බන්ධයෙන් ඉන්දියාව සතුව විශාල ඉල්ලුමක් හා විභවයක් ඇති බව ද ඔවුන් පවසා ඇතැයි ‘ඒඑන්අයි’ පුවත් සේවය වාර්තා කරයි.
“ඉන්දියාව ජපානය යන දෙරටම තමන්ගේ ආරක්ෂක ක්‍රියාකාරකම් හුවමාරු කර ගැනීම විශ්වාස කරනවා.. ඔවුන් ඒකාබද්ධ ක්‍රියාකාරකම් පවා සිදු කළා. මේ වන විටත් ආරක්ෂක ක්ෂේත්‍රයේ ප්‍රගතියක් ලබාගෙන තියෙනවා..” නිලධාරීන් පවසා තිබේ.
ඉන්දු පැසිෆික් කලාපය සඳහා ඇමරිකානු ඩොලර් බිලියන 75කට වඩා වටිනා යටිතල පහසුකම් හා ආරක්ෂක ආධාර ලබාදෙන බව ජපන් අග්‍රාමාත්‍යවරයා පසුගිය සඳුදා නිවේදනය කළේය.
සාකච්ඡාවක නියැලුණු අග්‍රාමාත්‍ය මෝදි හා කිෂිඩා ආරක්ෂක උපකරණ හා තාක්ෂණික සම්බන්ධීකරණය, ව්‍යාපාර, සෞඛ්‍ය, ඩිජිටල් සමබන්ධතා ආදී කරුණු රැසක් සම්බන්ධයෙන් ප්‍රයෝජනවත් සාකච්ඡාවක නියැලුණු බවත් ඒ අතර ශ්‍රී ලංකාවේ ගැටලුව සම්බන්ධයෙන් අවධානය යොමු කර ඇති බවත් වෙබ් අඩවිය වාර්තා කර තිබිණි