රට ගොඩගන්න මහ මුහුදෙන් පුළුවන් : අනුර දිසානායක

ජාත්‍යන්තර මුල්‍ය අරමුදලෙන් ණය මුදලක් හිමිවීම අලුත් දෙයක් නොවන බවත් ණය ගත් පමණින් රටක් සංවර්ධනය නොවන බවත් ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර දිසානායක මහතා සඳහන් කරයි.

විකිණීමේ පාරවල් හෝ ණය ගැනීමේ පාරවල් රට ගොඩනැගීමේ පාරවල් නොවන බවද මන්ත්‍රීවරයා පෙන්වා දෙයි.

ලංකාවට හිමි භූමි ප්‍රමාණය මෙන් අට ගුණයක් ප්‍රමාණයක මහ මුහුදේ හිමිකාරිත්වය ඇති බවත් එහි සොයා නොගත් වටිනා සම්පත් ඇති බවත් පවසන ඔහු ඒ මහ මුහුදේ සම්පත් සොයා ගැනීම ම රට සංවර්ධනය කිරීමට ප්‍රමාණවත් බවද කියා සිටියේය.

ජාතික ජන බලවේගය ජනහමුවක් අමතමින් ඒ මහතා මෙම අදහස් පල කරන ලදී.