ඉවත් කරන ලද ආණ්ඩුකාරවරු තිදෙනා වෙනුවට ජනාධිපතිවරයා විසින් පත්කිරීමට යන නව ආණ්ඩුකාරවරුන්?
ඊයේ (15) දින ධුරවලින් ඉවත් කරන ලද ආණ්ඩුකාරවරු තිදෙනා වෙනුවට ජනාධිපතිවරයා විසින් පත්කිරීමට යන නව ආණ්ඩුකාරවරුන් තිදෙනාගේ නම් අප වෙත ලැබී තිබේ.
ඒ අනුව උතුරේ නව ආණ්ඩුකාරවරිය ලෙස පත්කිරීමට නියමිතව ඇත්තේ මැතිවරණ කොමිසමේ හිටපු සාමාජිකාවක වන පී.එම්.එස්.චාල්ස් මහත්මියය.
නැගෙනහිර නව ආණ්ඩුකාරවරයා ලෙස පත්කිරීමට නියමිතව ඇත්තේ සෙන්දිල් තොණ්ඩමාන්ය.
හිටපු අමාත්‍ය ලක්ෂ්මන් යාපා අබේවර්ධන මහතා වයඹ පළාත් සභාවේ නව ආණ්ඩුකාරවරයා ලෙස පත්කිරීමට නියමිතව ඇත.
ජනාධිපති වික්‍රමසිංහ විසින් මෙම ඉවත් කිරීම කර ඇති අතර නව ආණ්ඩුකාරවරුන් ලබන බදාදා (17) වන විට පත් කෙරෙනු ඇතැයි ජනාධිපති කාර්යාලය සඳහන් කළේය.
නැගෙනහිර පළාත් ආණ්ඩුකාරවරිය ලෙස අනුරාධා යහම්පත්, වයඹ පළාත් ආණ්ඩුකාරවරයා ලෙස අද්මිරාල් ඔෆ් ද ෆ්ලිට් වසන්ත කරන්නාගොඩ සහ උතුරු පළාත් ආණ්ඩුකාරවරයා ලෙස ජීවන් ත්‍යාගරාජා කටයුතු කරනු ලැබිය.
ආණ්ඩුකාරවරු පත් කිරීමේ හා ඉවත් කිරීමේ හැකියාව සහ ඒ අයිතිය තිබෙන්නේ ජනාධිපතිවරයාට බව ශ්‍රී ලංකා පොදු ජන පෙරමුණේ (පොහොට්ටුව) මහ ලේකම් පාර්ලිමේන්තු මන්ත්‍රී නීතිඥ සාගර කාරියවසම් අද (15) විශේෂ මාධ්‍ය හමුවක් කැඳවමින් කියා සිටියේය.
පොහොට්ටු පක්ෂයේ ජාතික සංවිධායක බැසිල් රාජපක්ෂ විසින් නිර්දේශ කළ ආණ්ඩුකාරවරුන් පස්දෙනෙකුට (05) තවදුරටත් රඳවා ගැනීමට නියමිත බවද පැවසේ.
බස්නාහිර ආණ්ඩුකාරවරයද ඉවත් කිරීමේ සුදානමක් තිබුන ද හිටපු ජනාධිපති ගෝඨාභය රාජපක්ෂගේ ඉල්ලීම මත එම තීරණය හකුලාගෙන ඇතැයි වාර්තාවේ.