කෝටි 80ක තහනම් භාණ්ඩ රේගුවේ
ආනයනය තහනම් කර ඇති සහ සීමා කර ඇති විදේශ මත්පැන් ඇතුළු රුපියල් කෝටි 80කට අධික වටිනාකමින් යුත් භාණ්ඩ තොගයක් නීති විරෝධීව මෙරටට ගෙන්වා තිබිය දී රේගු භාරයට ගෙන තිබේ.
කරුණාකර අපේ ෆේස්බුක් පිටුව ලයික් කරන්න!
රේගු මාධ්‍ය ප්‍රකාශක රේගු අධිකාරි සුනිල් ජයරත්න මහතා සඳහන් කළේ, කහ, විදෙස් මත්පැන්, චීස්, පැස්ටා, එළවළු හා ඔලිව් තෙල් මෙලෙස සොයාගෙන ඇති බවය.
මෙම භාණ්ඩ වරින් වර මෙරටට එවා ඇති අතර එහි කහ කිලෝ 1,015,000ක ප්‍රමාණයක් තිබූ බව සුනිල් ජයරත්න මහතා ප්‍රකාශ කළේ ය.
මේ අතර රේගුව තුළ සිදුකෙරෙන වංචා වැළැක්වීම සඳහා නව ස්කෑන් යන්ත්‍රයක් හඳුන්වාදීමට පියවර ගෙන ඇති බව රේගු අධ්‍යක්ෂ ජනරාල් විශ්‍රාමික මේජර් ජනරාල් විජිත රවිප්‍රිය මහතා පැවසීය.