කොවිඩ් මුළු ලෝකෙම වෙනස් කළා. සෞඛ්‍ය කේන්ද්‍රීයව හිතන්න ලෝකෙටම බල කළා – විපක්ෂ නායක සජිත් යක්කලමුල්ලේ දී කියයි
කොරෝනා වියසනය, මුළු ලෝකයම මෙතෙක් ආ ගමන් මග වෙනස් කිරීමට හේතු වී ඇති බවත් සෞඛ්‍ය කේන්ද්‍රීය වැඩපිළිවෙළක් පිළිබඳව අලුතින් හිතන්නට බල කොට ඇති බවත් විපක්ෂ නායක සජිත් ප්‍රේමදාස මහතා පැවසීය. එය “හරිත – නව ගිවිසුම” (Green New Deal) ලෙස හැඳින්විය හැකි බවත් එය ක්‍රියාත්මක කරන්නට ලෝකෙටම සිදුවන බවත් ඒ මහතා පැවසීය.
කොරෝනා වියසනය මේ රටට ඇතුළුවීමට පෙර ආපුවම මේ අවදානම පිළිබඳව පසුගිය ජනවාරි මාසයේ දී තමන් රටට හෙළි කළ බවත් ඒ අවස්ථාවේදී ආණ්ඩුව හෝ බලධාරීන් ඒ පිළිබඳව අවධානය යොමු කරනවා වෙනුවට උපහාසය සහ අපහාසය තමන් වෙත එල්ල කළ බවත් පැවසූ විපක්ෂ නායකයා, තමන් ඉදිරිපත් කළ යෝජනා සද්භාවයෙන් බාර ගත්තා නම් මේ තරම් හෝ වියසනයක් මේ රටට උදා නොවන බවද පැවසීය .දැන්වත් ආණ්ඩුව අලුතින් හිතන වැඩපිලිවෙලකට යා යුතු බව පැවසූ ඒ මහතා ඒ වෙනුවෙන් සිය සහයෝගය හිමි වන බවද පැවසීය.
කරුණාකර අපේ ෆේස්බුක් පිටුව ලයික් කරන්න!