ශ්‍රී ලංකා ක්‍රිකට් ආයතනයේ සේවකයෙකුට කොවිඩ්
ශ්‍රී ලංකා ක්‍රිකට් ආයතනයේ සේවකයෙකු කොවිඩ් ආසාදිතයෙක් ලෙස හඳුනාගත් බවත් එම පුද්ගලයාව නිරෝධායනයට යොමුකළ බවත් ශ්‍රී ලංකා ක්‍රිකට් ආයතනය නිවේදනය කරයි.
එම සේවකයාගේ ආශ්‍රිතයින්ද නිරෝධායනය කිරීමට කටයුතු කළ බවත් එම පුද්ගලයන්ව PCR පරික්ෂණ සඳහා යොමු කළ බවත් එම නිවේදනයේ දැක්වේ.
කරුණාකර අපේ ෆේස්බුක් පිටුව ලයික් කරන්න!
එම සේවකයා හා සම්බන්ධ අනෙක් සේවකයින්ට ඇන්ටිජන් පරික්ෂණ කර ඇති අතර ඔවුන් ආසාදිතයින් නොවන බව වාර්තා වී තිබේ.
ආසාදිත සේවකයා හඳුනාගෙන ඇත්තේ ඊයේ සිදුකළ PCR පරික්ෂණයකිනි.
මේ අතර ශ්‍රී ලංකා ක්‍රිකට් ආයතනය සේවයට කැඳවා ඇත්තේ අත්‍යවශ්‍ය සේවකයින් පමණක් බවත් අනෙක් සේවකයින් තම තමන්ගේ නිවෙස්වල සිට රාජකාරි කටයුතු සිදුකරන බවත් එම නිවේදනයේ දැක්වේ.