‘කැප්ටන් ඇමෙරිකා’ පෙනී ඉන්න චිත්‍රපට තුනක්
‘ඇවෙන්ජර්ස් – ඊන්ද ගේම්’ චිත්‍රපටයෙන් පසුව ‘මාවල්’ චිත්‍රපට චරිතයක් වූ ‘කැප්ටන් ඇමෙරිකා’ නැවතත් චිත්‍රපටයක් නොදකින බවට තොරතුරු වාර්තා විය. බොහෝ සිනමා ලෝලීන් ඉන් කම්පා වූ අතර, ඔවුන් නැවත නැවතත් ‘කැප්ටන් ඇමෙරිකා’ යොදා චිත්‍රපට නිර්මාණය කරන්නට ‘මාවල්’ චිත්‍රපට සමාගමට ඉල්ලීම් කළහ.
එය සැළකිල්ලට ගනිමින් ‘මාවල්’ චිත්‍රපට සමාගම ඔවුන් විසින් අනාගතයේදී නිර්මාණය කරන්නට අදහස් කරමින් සිටින චිත්‍රපට තුනක් සඳහා ‘කැප්ටන් ඇමෙරිකා’ චරිතය නැවතත් ගෙන එන බවට මීට දින කිහිපයකට පෙර මාධ්‍යයට පවසා ඇත. ඉන් පළමුවැන්න සඳහා මේ දිනවල ‘කැප්ටන් ඇමෙරිකා’ චරිතයට පණ පොවන ක්‍රිස් එවන්ස් සමගින් ‘මාවල්’ චිත්‍රපට අධ්‍යක්ෂවරුන් සාකච්ඡා කරමින් සිටින බව දැන ගැනීමට ලැබේ. එමෙන්ම ඔහු පෙනී සිටින මිළඟ චිත්‍රපටයේ ඔහු රඟපෑමට නියමිතව ඇත්තේ තවත් ‘මාවල්’ සුපිරි චරිතයක් වූ ‘වූල්වරින්’ සමග බව දැන ගැනීමට ලැබේ.