ඉදිරියටත් ටොම් හෝලන්ඩ් ‘ස්පයිඩර් මෑන්’ චරිතයට

‘ස්පයිඩර් මෑන්’ චරිතයෙන් ටොම් හොලන්ඩ් ඉවත් කරන බවට කට කතාවක් පසුගිය දිනවල පැතිරගිය මුත්, මේ වනවිට ‘මාවල්’ චිත්‍රපට සමාගම පවසන්නේ ටොම් ඉදිරියේදී නිර්මාණය කරන්නට සැළසුම් කර ඇති ‘ඇවෙන්ජර්ස්’ චිත්‍රපටවල ඔහු ‘ස්පයිඩර් මැන්’ චරිතය නිරූපණය කරනු ඇති බවය.

‘කැප්ටන් ඇමෙරිකා – සිවිල් වොර්’ චිත්‍රපටය තුළින් ‘ඇවෙන්ජර්ස්’ චිත්‍රපට සඳහා සම්බන්ධ වූ ටොම් මේ වනවිට ‘ඇවෙන්ජර්ස්’ චිත්‍රපට දෙකකටත්, ‘ස්පයිඩර් මෑන්’ චිත්‍රපට තුනකටත් දායක වී ඇත. කෙසේ වෙතත්, ටොම් හොලන්ඩ් පසුගිය දිනවල සිය ‘ටිවිටර්’ ගිණුම හරහා සජිවිව එක්වෙමින් පවසා තිබුණේ ‘කැප්ටන් ඇමෙරිකා සිවිල් වෝර්’ චිත්‍රපටයෙන් පසුව තමන් සුපිරි ‘මාවල්’ චරිතයක් බවට පත්වීම සිතා ගැනීමට නොහැකි බවය.