රටපුරා මත්ද්‍රව්‍ය වැටලීම්
මත්ද්‍රව්‍ය වැටලීම්වලට අදාළව ඊයේ (05) දිනයේ විශේෂ වැටලීම් කිහිපයක් සිදුකළ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
පොලිස් විශේෂ කාර්ය බළකායේ කැබැතිගොල්ලෑව කඳවුරේ නිලධාරීන් විසින් ඊරට්ටපෙරියකුලම් ප්‍රදේශයේදී මෝටර් රථයක් පරීක්ෂා කිරීමේදී කේරළ ගංජා කිලෝ 18ක් සොයාගෙන තිබේ.
කරුණාකර අපේ ෆේස්බුක් පිටුව ලයික් කරන්න!
එහිදී සැකකරුවන් දෙදෙනෙකු අත්අඩංගුවට ගෙනඇති අතර ඔවුන් කොළඹ 09 සහ කොළඹ 15 යන ප්‍රදේශවල පදිංචිකරුවන් ය.
මේ අතර පානදුර උතුරු පොලිස් ස්ථානය මගින් හොරේතුඩුව ප්‍රදේශයේදී සිදුකළ වැටලීමකදී හෙරොයින් ග්‍රෑම් 10ක් සමග සැකකරුවෙකු අත්අඩංගුවටගෙන තිබේ.
මාලිගාවත්ත, ගල්කිස්ස, මෝදර ආදී ප්‍රදේශවලදී ද එවැනි වැටලීම් සිදුකර තිබුණි.
දිවයිනේ තවත් ප්‍රදේශ රැසකදී ඊයේ දිනයේ මත්ද්‍රව්‍ය වැටලීම් සිදුවූ බව නියෝජ්‍ය පොලිස්පති අජිත් රෝහණ මහතා වැඩිදුරටත් පැවසීය.