පාකිස්ථානු අගමැති ඉම්රාන් ඛාන් දිවයිනට පැමිණෙයි
දෙදින නිල සංචාරයක් සඳහා පාකිස්ථානු අග්‍රාමාත්‍ය ඉම්රාන් ඛාන් මහතා අද (23) සවස දිවයිනට පැමිණ තිබේ.
කටුනායක බණ්ඩාරනායක ජාත්‍යන්තර ගුවන්තොටුපලේදී ඛාන් මහතා වෙත හමුදා උත්තමාචාර පැවැත්වුණු අතර, ඔහුව ශ්‍රී ලංකා අගමැති මහින්ද රාජපක්ෂ මහතා විසින් උණුසුම් ලෙස පිළිගෙන තිබේ.
කරුණාකර අපේ ෆේස්බුක් පිටුව ලයික් කරන්න!
ඛාන් මහතා, කොවිඩ් වසංගතය ආරම්භ වීමෙන් අනතුරුව මෙරටට පැමිණෙන පළමු රාජ්‍ය නායකයා වේ.
අද සවස දෙරට අග්‍රාමාත්‍යවරුන් දෙදෙනා අතර ද්වීපාර්ශ්වික සාකච්ඡාවක් අග්‍රාමාත්‍ය නිල නිවස වන අරලියගහ මන්දිරයේදී පැවැත්වීමට නියමිත අතර, එහිදී අග්‍රාමාත්‍යවරුන් දෙදෙනා විසින් ඒකාබද්ධ මාධ්‍ය ප්‍රකාශයක් ද නිකුත් කිරීමට නියමිතය.
