අයිස් මත්ද්‍රව්‍ය කිලෝ 1ක් සමග දෙදෙනෙක් අත්අඩංගුවට
පොලිස් මත්ද්‍රව්‍ය නාශක කාර්යාංශයේ නිලධාරීන් ඊයේ (15) කොළඹ වේල්ලවීදිය ප්‍රදේශයේ දී සිදුකළ වැටලීමකදී අයිස් මත්ද්‍රව්‍ය කිලෝග්‍රෑම් 1යි ග්‍රෑම් 5ක් සමග සැකකරුවන් දෙදෙනෙක් අත්අඩංගුවටගෙන තිබේ.
මෙලෙස අත්අඩංගුවට ගැණුනු සැකකරුවන් දෙදෙනා 29 සහ 37 හැවිරිදි වියේ පසුවන්නන්ය.
කරුණාකර අපේ ෆේස්බුක් පිටුව ලයික් කරන්න!
සැකකරුවන් කොළඹ 02 සහ කොළඹ 12 යන ප්‍රදේශවල පදිංචිකරුවන් බව පොලීසිය පවසයි.
පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කළේ හෙරොයින් වෙනුවට අයිස් මත්ද්‍රව්‍ය භාවිත කිරීමේ ප්‍රවණතාවයක් මේ වනවිට දැකගන්නට ඇති බවය.
මීට අමතරව පොතුවිල් පොලීසිය විසින් අක්කර 6ක ගංජා හේනක් වටලා තිබේ.
ඊට සම්බන්ධ සැකකරුවන් සොයා පොලිස් පරීක්ෂණ ක්‍රියාත්මකය.