බිරිඳව මරා සිරුර සැඟවීමට උත්සහ කළ සැමියා අත්අඩංගුවට
මුගුරකින් පහර දී ඝාතනය කළ කාන්තාවකගේ මළ සිරුරක් අද (10) අළුයම පොලීසියට ලද තොරතුරක් මත පුත්තලම ප්‍රදේශයේ නිවසක තිබී සොයාගෙන ඇත.
පොලිස් මාධ්‍ය ප්‍රකාශක නියෝජ්‍ය පොලිස්පති, අජිත් රෝහණ මහතා පැවසුවේ මියගොස් ඇති කාන්තාවගේ සැමියා විසින් මෙම ඝාතනය සිදු කර ඇති බවය.
කරුණාකර අපේ ෆේස්බුක් පිටුව ලයික් කරන්න!
පොලීසිය සිදුකළ පරීක්ෂණවලදී අනාවරණය වී ඇත්තේ, ඊයේ (09) දින බිරිඳ සමඟ ඇති වු බහින්බස්වීමකින් අනතුරුව සැකකරු විසින් ඇයව ඝාතනය කර සිරුර ගෝනිවලින් ආවරණය කර නිවසේ ඇඳක් යට සඟවා තබා ඇති බවය.
එමෙන්ම රාත්‍රී කාලයේ දී සිරුර වෙනත් තැනකට ගෙන යාමට සැකකරු විසින් සුදානම් කර තිබී ඇති බවද සිදුකළ පරීක්ෂණවලදී අනාවරණය වී ඇත.
මරණ පරීක්ෂණය සහ මහෙස්ත්‍රාත් පරීක්ෂණය අද දින සිදුකිරීමට නියමිත අතර පුත්තම පොලීසිය වැඩිදුර විමර්ශන සිදු කරයි.