කොරෝනා නිසා මන්දපෝෂණය ඉහළට

කොරෝනා වසංගතය හේතුවෙන් මන්දපෝෂණයෙන් පෙළෙන ජනගහණය තවදුරටත් ඉහළ යා හැකි බවට ඇස්තමේන්තු කර තිබෙනවා.

වසංගත තත්වයට පෙර ලෝක ජනගහණයෙන් සියයට 8.9 ක් එනම් මිලියන 690 ක් පමණ මන්දපෝෂණයෙන් පෙලුනු අතර, එය තවත් මිලියන 83 ත් 132 ත් අතර අගයකින් ඉහළ යා හැකි බවටයි ආහාර හා කෘෂිකර්ම සංවිධානයේ මූලික ඇස්තමේන්තු මගින් පෙන්වා දී ඇත්තේ.

2019 ගෝලීය ආහාර සුරක්ෂිතතා දර්ශකයට අනුව රටවල් 113ක් අතරින් ශ්‍රී ලංකාව පසුවන්නේ 66 වන ස්ථානයේයි.

ශ්‍රී ලංකා මහ බැංකු වාර්තා පෙන්වා දෙන්නේ ළමා මන්ද පෝෂණය ශ්‍රී ලංකාවේ දීර්ඝකාලීනව පවතින ගැටළුවක් බවයි.