මාධ්‍යවේදියා පැහැර ගැනීම නිසා බෙලරූස් රාජ්‍යයට යුරෝපීය ගුවන් තහනමක්
ග්‍රීසියේ සිට ලිතුවේනියාව බලා ගමන්ගත් රයන් එයාර් ගුවන් යානයක් කූට ලෙස හරවා ආණ්ඩුව විවේචනය කළ මාධ්‍යවේදියෙකු පැහැර ගැනීම සම්බන්ධයෙන් බෙලරූස් රාජ්‍යයට ගුවන් තහනමක් පැනවීමට යුරෝපා සංගමය තීරණය කර තිබෙනවා.
යුරෝපා සංගමයේ රටවල් විසිහතේ නායකයින් බ්‍රසල්ස් නුවරදී ඊයේ රැස්වී එම තීරණයට එළැඹුණු බවයි විදෙස් වාර්තා සඳහන් කළේ.
ඒ අනුව බෙලරූස් ගුවන් සේවාවන්ට අනෙකුත් යුරෝපීය රටවල ගුවන් තල වෙත ඇතුළු වීම තහනම් වනු ඇති.
මෙලෙස පැහැරගත් 26 හැවිරිදි මාධ්‍යවේදී රෝමන් පොටසෙවිච් අත්අඩංගුවේදී පහරදීම්වලට ලක්විය හැකි බවට ඔහුගේ දෙමව්පියන් බිය පළ කරනවා.