හැටන් මහජන පොළ තාවකාලිකව හුදකලා කරයි
පෑලියගොඩ මත්ස්‍ය වෙලදපොළෙන් හැටන් නගරයට මත්ස්‍යයින් රැගෙනවිත් අලෙවි කළ මත්ස්‍ය වෙළෙන්දෙකුට කොවිඩ් 19 වයිරසය ආසාදනය වි ඇති බවට පි.සි.ආර් පරික්ෂණයෙන් තහවුරු විමත් සමග හැටන් මහජන වෙළඳපොල තාවකාලිකව අද (25) දින සිට හුදකලා කිරිමට හැටන් දික්ඔය නගර සභාව සහ හැටන් පොලිසියේ නිලධාරින් කටයුතු කළහ.
පෑලියගොඩ මත්ස්‍යය වෙලදපොලෙන් මත්ස්‍යයින් රැගෙන විත් අලෙවි කළ වයිරසය ආසාදනය වු ව්‍යාපාරිකයා සහ ඔහුගේ පවුලේ සාමාජිකයන් නිරෝධායන මධ්‍යස්ථානයක් කරා රැගෙන යාමට මහජන සෞඛ්‍යය පරික්ෂකවරුන් විසින් කටයුතු කරනු ලැබීය.
හැටන් නගරයේ මහජන පොල භුමියද තාවකාලිකව වසා දැමිමටත් , හැටන් නගරයේ මහජන වෙළඳපොල විෂබිජහරණයට ලක් කිරිමට කටයුතු කල අතර ,එම ව්‍යාපාරිකයා හැටන් නගරයේ ආපනශාලා ඇතුළු වෙළදසැල් කිහිපයකටත් ගොස් ඇති බවට ලැබුණු තොරතුරු මත එම වෙළදසැල්ද තාවකාලිව වසා දැමිමට හැටන් දික්ඔය නගර සභාවේ මහජන සෞඛ්‍ය පරික්ෂකවරුන් කටයුතු කළහ.