පියුමි හංසමාලි සහ 13 දෙනෙකු දැඩි විරෝධය මැද නිරෝධායනයට රැගෙන යයි
කොළඹ තරු පහේ හෝටලයකදී පවත්වන ලද රූපලාවන්‍ය ශිල්පී චන්දිමාල් ජයසිංහගේ උපන් දින සැමරුම් උත්සවය සඳහා සහභාගිවූ නිරූපන ශිල්පිනි පියුමි හංසමාලි සහ 13 දෙනෙකු ගෙන් යුත් පිරිසක් නිරෝධායනයට ලක් කිරීම සඳහා බණ්ඩාරවෙල ප්‍රදේශයේ පිහිටි නිරෝධායන මධ්‍යස්ථානයක් වෙත අද සවස යොමු කර තිබෙනවා.
තමන් ඇතුළු පිරිස කොළඹ පිහිටි එක්තරා ප්‍රසිද්ධ හෝටලයක නිරෝධායනය වීම සඳහා අවසර ඉල්ලුවත් ඊට ඉඩ නොලැබුණු බවයි ෆේස්බුක් සමාජ මාධ්‍ය හරහා වීඩියෝවක් නිකුත් කරමින් පියුමි හංසමාලි සඳහන් කර සිටියේ.
කරුණාකර අපේ ෆේස්බුක් පිටුව ලයික් කරන්න!
චන්දිමාල් ජයසිංහගේ උපන්දින සාදයට සම්බන්ධ වූ මෙම පිරිස අධිකරණය හමුවට ඉදිරිපත් කිරීමෙන් පසු ඇප මත මුදා හරිනු ලැබූ අතර අධිකරණ නියෝග අනුව නිරෝධායනය ක්‍රියාවලියකට යොමු කිරීමට උපදෙස් ලබාදී තිබෙනවා.