කුඩු උක්කුවා වැල්ලම්පිටියේදී පොලිසියට කොටු වෙයි
කොළඹ උතුර කොට්ඨාස අපරාධ විමර්ශන අංශයට ලැබුණු තොරතුරක් මත කැලණිතිස්සගම වේරගොඩැල්ල ප්‍රදේශයේදී නමගිය මත්ද්‍රව්‍ය ජාවාරම්කරුවකු වන රණසිංහ ආරච්චිගේ ලාල් රෝහිත නොහොත් උක්කුවා අත්අඩංගුවට ගෙන තිබෙනවා.
අත්අඩංගුවට ගන්නා අවස්ථාවේ ඔහු සතුව තිබූ හෙරොයින් මත්ද්‍රව්‍ය ග්‍රෑම් 25ට වැඩි ප්‍රමාණයක් සහ මුදලින් රුපියල් 16 ලක්ෂ හතළිස් දහසක්ද පොලිස් භාරයට ගෙන තිබෙනවා.
කරුණාකර අපේ ෆේස්බුක් පිටුව ලයික් කරන්න!
කොළඹ උතුර කොට්ඨාසය භාර ජේෂ්ඨ පොලිස් අධිකාරි මංගල දෙහිදෙණියගේ උපදෙස් මත කොළඹ උතුර කොට්ඨාස අපරාධ විමර්ශන අංශයේ ස්ථානාධිපති පොලිස් පරීක්ෂක නලින් ශ්‍රීයන්තගේ මෙහෙයවීමෙන් මෙම වැටලීම සිදුකෙරුනා.
අත්අඩංගුවට ගත් සැකකරු අද දින මාලිගාකන්ද අධිකරණයට ඉදිරිපත් කිරීමට නියමිතයි.