සුපිරි පාපන්දු තරුව රොනාල්ඩෝටත් කොරෝනා

ලොව සුපිරිත ම පාපන්දු තරුවක් ලෙසින් සැලකෙන පෘතුගාලයේ ක්‍රිස්ටියානෝ රොනාල්ඩෝ කොවිඩ්-19 ආසාදිතයෙක් බවට තහවුරුවී ඇතැයි විදෙස් මාධ්‍ය වාර්තා කර තිබිණි. 

ඒ අනුව, ස්වීඩනයේදී පැවැත්වෙන පාපන්දු තරගාවලියක් අතරතුරදී සිදු කරනු ලැබූ කොරෝනාවෛරසය ආසාදනය සම්බන්ධයෙන් පරීක්ෂණයකදී ඔහු මෙලෙස කොවිඩ්-19 ආසාදිතයකු බවට පත්ව ඇති බව තහවුරු කරගෙන තිබේ.

කෙසේ නමුත් මේ වන විට ඔහු විශේෂ නිරෝධායන තත්ත්වයන් යටතේ වෛද්‍ය ප්‍රතිකාර සඳහා යොමු කර ඇති බවත්, මෙතෙක් ඔහුගෙන් කිසිදු රෝග ලක්ෂණයක් ප්‍රකට නොවන බවද අදාළ මාධ්‍ය වාර්තාවන්හි වැඩිදුරටත් දක්වා ඇත.

35 හැවිරිදි රොනාල්ඩෝ පෘතුගාලය වෙනුවෙන් ගෝල ශතකයක් (101) ලැබූ එරටින් බිහිවූ විශිෂ්ටතම ක්‍රීඩකයා ලෙසද සැලකේ.