පොසොන් පුර පසළොස්වක පොහොය දිනය අද
අනුබුදු මිහිඳු මාහිමියන් ශ්රී ලංකාවට වැඩම කොට බුදු සසුන පිහිටුවීම සිහිපත් කරන පොසොන් පුන් පොහොය අදට (24)යෙදී තිබෙනවා.
ශ්රී ලාංකික ජන සමාජය සමාජ ,සංස්කෘතික හා ආගමික ,අධ්‍යාත්මික ලෙස සංවර්ධනය කිරීම උදෙසා අද වනි පොසොන් පොහෝ දිනක සිදු වූ ඓතිහාසික සුවිශේෂී සිදු වීම හේතු විය.
එදා දෙවානම් පියතිස්ස රජ සමයේ සිදූ වූ අසිරිමත් මහින්දාගමනයෙන් අනුරාධපුරය ,මිහින්තලය ආලෝකමත් වූව පමණක් නොව ශ්රී ලාංකික ජනසමාජයම ආලෝකමත් විය. එවක පටන් බෞද්ධයො විසින් පොසොන්පුර පෝය දිනය ආමිෂ හා ප්‍රතිපත්ති පූජාවෙන් මිනිදු මහරහතන් වහන්සේ සිහි කෙරේ.
පින් අනුමෝදම් කරමින්, අනුරාධපුරය මෙන් ම මුළු දිවයිනේම ආගමික ස්ථාන කේන්ද්‍ර කරගමින් මෙවරත් සීල සමාධි,භාවනා වැඩසටහන් ක්‍රියාත්මක වුවත් පැතිර තිබෙන කොවිඩ් වසංගත තත්ත්වය හේතුවෙන් සෞඛ්‍ය මාර්ගෝපදේශ යටතේ ආගමික වැඩසටහන් ක්‍රියාත්මක කෙරේ. එමෙන් ම ජනතාවට වෙහෙර විහාරස්ථාන වෙත ගමන් කිරීමට සෞඛ්‍ය හේතූන් මත මෙවර ද අවස්ථාව හිමි නොවේ.