දෙවන තරඟයේ ජයත් එංගලන්තයට

සංචාරක ශ්‍රී ලංකා කණ්ඩායමට එරෙහිව පැවති දෙවන විස්සයි විස්ස තරගය කඩුලු පහකින් ජයගනිමින් තරඟ තුනකින් සමන්විත විස්සයි විස්ස තරඟාවලිය දෙකට බින්දුවක් ලෙස ජයගැනීමට එංගලන්තය ඊයේ සමත්වුණා.

කාඩිෆ් හි ඊයේ පැවති දෙවන තරගයේ කාසියේ වාසිය දිනා පළමුව පන්දුවට පහරදුන් ශ්‍රී ලංකා පිල නියමිත පන්දු වාර විස්ස අවසානයේ කඩුලු හතක් දැවී ලකුණු 111 ක් රැස් කළා.

පිළිතුරු ඉනිම ක්‍රිඩා කරමින් සිටි එංගලන්ත කණ්ඩායම කඩුලු හතරක් දැවී ලකුණු 69 ක් ලබා සිටියදී තරගයට වර්ෂාවෙන් බාධා එල්ල වුණා.

අනතුරුව තරගය තාවකාලිකව නතර කෙරුණු අතර, පසුව තරගය ජය ගැනීම සදහා ඩක්වර්ත් ලු‍විස් න්‍යාය අනුව එංගන්තයට පන්දුවාර 18කදී ලකුණු 103ක ඉලක්කයක් හිමි වුණා.

ඔවුන් එය පසුකර ගියේ පන්දුවාර 16යි එක් පන්දුවක් අවසානයේ කඩුලු පහක් පමණක් දැවී තිබියදියි.

තරඟයේ වීරයා Liam Livingstone.