කුසල් මෙන්ඩිස්, දනුෂ්ක ගුණතිලක සහ නිරෝෂන් දික්වැල්ල දිවයිනට

ජෛව ආරක්ෂණ බුබුලෙන් පිටතට යාමේ සිද්ධිය හේතුවෙන් තරග තහනම් කෙරුණු, එංගලන්ත සංචාරයට එක්ව සිටින ශ්‍රී ලංකා කණ්ඩායමේ උපනායක කුසල් මෙන්ඩිස්, නිරෝෂන් දික්වැල්ල සහ ධනුෂ්ක ගුණතිලක අද පස්වරුවේ දිවයිනට පැමිණියා.

එංගලන්තයේ ලන්ඩන් නුවර සිට පැමිණි යූ.එල්. 504 දරණ ශ්‍රී ලංකන් ගුවන් සේවයට අයත් යානයෙන් පස්වරු 1.15 ට පමණ මෙවුන් තිදෙනා දිවයිනට පැමිණි බවයි.

ගුවන්තොටුපල වෙත පැමිණීමෙන් අනතුරුව ඔවුන් නිරෝධායන ක්‍රියාවලිය සඳහා යොමු කිරීමට යුද හමුදාව වෙත භාර දුන් බවයි අප වාර්තාකරු වැඩිදුරටත් සඳහන් කළේ.