පොලිස්පතිගේ ඉවසීමේ සීමාව පනී! කළු පුතයි-සුදු පුතයි මූලස්ථානයෙන් විසිවෙයි!
පොලිස් මූලස්ථානය තුළ රාජකාරී කරමින් කලක් තිස්සේ පොලිස්පතිවරයා අපහසුතාවට පත්වන ආකාරයෙන් කටයුතු කළ බවට චෝදනා එල්ල වී ඇති කළු පුතා සහ සුදු පුතා යනුවෙන් හැදින්වෙන කුප්‍රකට ඉහළ පොලිස් චරිත දෙක පොලිස් මූලස්ථානයෙන් ඉවත් කොට වෙනත් ස්ථානවල රාජකාරී සදහා යෙදවීමට පොලිස්පතිවරයා තීරණය කොට ඇති බව දැනගන්නට ඇත.
පසුගිය කාලය පුරාම මෙම නිලධාරීන් දෙදෙනා පොලිස්පතිවරයා සහ අනෙකුත් ඉහළ නිලධාරීන් අතර ගැටුම් ඇතිවන ආකාරයට කටයුතු කර ඇති බවට පොලිස්පතිවරයා වෙත පැමිණිලි ලැබී තිබිණ.
කරුණාකර අපේ ෆේස්බුක් පිටුව ලයික් කරන්න!
නමුත් දැඩි ඉවසීමකින් යුතුව පොලිස්පතිවරයා පසුගිය කාලයේ මේ සම්බන්ධයෙන් කටයුතු කළත් එම ඉවසීමේ සීමාව මේ වනවිට ඉක්මවා ගොස් ඇති බව පැවසේ.
ඒ අනුව මේ වනවිට ඔවුන් දෙදෙනා පොලිස් මූලස්ථානයෙන් ඉවත් කොට වෙනත් ස්ථාන 2ක රාජකාරී සදහා යෙදවීමට පොලිස්පතිවරයා කටයුතු කරමින් සිටින බව වාර්තා වේ.