මැනිං වෙළෙඳ පොළේ දුම් ගැටළුව

පෑලියගොඩ පොදු සුසාන භූමියේ ආදාහනාගාරයෙන් පිටවන දුම හේතුවෙන් මැනිං පොදු වෙළඳ සංකීර්ණයේ කටයුතුවලට බාධා එල්ල වී ඇතැයි වෙළෙඳුන් චෝදනා කරනවා.

ඔවුන් බලධාරීන්ගෙන් ඉල්ලා සිටින්නේ මේ පිළිබඳව සොයාබලා පිළියම් යොදන ලෙසයි.

මේ පෑලියගොඩ නගර සභාව මගින් ක්‍රියාත්මක වන පෑලියගොඩ පොදු සුසාන භූමියයි.

පෑලියගොඩ මැනිං පොදු වෙළෙඳ සංකීර්ණයට යාබදව පිහිටා ඇති මෙම සුසාන භූමියට අවට ප්‍රදේශ ගණනාවක මෘත දේහ ආදාහනය සඳහා රැගෙන එනු ලබනවා.

දේහයන් ආදාහනය කිරීමේදී චිමිනියෙන් පිටවන දුමාරය වෙළෙඳ සංකීර්ණයේ කටයුතුවලට බලපෑම් එල්ල කරන බව වෙළෙඳුන් චෝදනා කරනවා.

මේ හේතුවෙන් මැනිං වෙළෙඳ පොළට දෛනකව එක්රැස් වන දහස් ගණනක ජනතාවගේ සෞඛ්‍ය තත්ත්වයටද අවදානමක් මතුව තිබෙනවා.

ඔවුන් ඉල්ලා සිටින්නේ මේ පිළිබඳව බලධාරීන්ගේ යොමු කර නිසි පිළියමක් යොදන ලෙසටයි.