බාල දැරියගේ දූෂණ සිද්ධියෙන් පසු සාමණේර හිමිනමක් අපයෝජනය කළ සිද්ධියක් එළියට එයි!
ගාල්ල, ගල්වඩුගොඩ ප්‍රදේශයේ විහාරස්ථානයක වැඩ සිටි දස හැවිරිදි සාමණේර හිමි නමකට වසර දෙකකට ඉහතදී බරපතළ ලිංගික අපයෝජනයක් සිදු කිරීම සම්බන්ධයෙන් චෝදනා ලත් වැඩිහිටි හිමි නමක්අත්අඩංගුවට ගෙන තිබේ.
ගාල්ල මහේස්ත්‍රාත් අධිකරණයේ බී. 13747/19 යටතේ පවතින නඩුවකට අවශ්‍යව සිටි 47 හැවිරිදි සැකකාර හිමි නම අත්අඩංගුවට ගෙන ඇත්තේ දඹුල්ල ප්‍රදේශයේ සැඟව සිටියදී බව පොලීසිය පවසයි.
ගාල්ල, ගල්වඩුගොඩ ලිපිනයේ පිහිටි ශ්‍රී විද්‍යාරාජ පිරිවෙනේ වැඩ වාසය කල කුඩා සාමණේර හිමි නමකට බරපතළ ලිංගික අපයෝජනයක් සිදු කරන ලද බවට සැකකාර හිමි නමට එරෙහිව 2019 වසරේ ජූනි මස 12 වන දා ගාල්ල පොලිසියට ලද පැමිණිල්ලක් අනුව අධිකරණයේ නඩු පවරා ඇති අතර ඉන් පසුව සැකකාර හිමි නම ගාල්ල විහාරස්ථානයෙන් පිටව ගොස් ඇතැයි පළාත් බද වාර්තාකරුවෝ පවසති.
දිර්ඝ ලෙස පරීක්ෂණ පැවැත් වූ ගාල්ල කොට්ඨාස අපරාධ විමර්ශන අංශය සැකකාර හිමියන් දඹුල්ල, නයාකුඹුර ප්‍රදේශයේ විහාරස්ථානයක සැඟව සිටියදී අත් අඩංගුවට ගෙන ඇති බව වැඩි දුරටත් වාර්තා වේ.