ක්‍රීඩකයින් 10කට SLC T20 තරගාවලිය අහිමි වෙයි
ශාරීරික යෝග්‍යතා පරීක්ෂණයෙන් අසමත් වීම හේතුවෙන් හා කොරෝනා වෛරසය ආසාදනය වීම හේතුවෙන් ආරාධිත පන්දුවාර 20යි 20 ක්‍රිකට් තරගාවලිය ක්‍රීඩා කිරීමේ අවස්ථාව ක්‍රීඩකයින් 10 දෙනෙකුට අහිමි වී තිබේ.
්ක්‍රීඩකයින් 7 දෙනෙකු යෝග්‍යතා පරීක්ෂණය අසමත් වී ඇති බවයි ශ්‍රී ලංකා ක්‍රිකට් ආයතනය සදහන් කර සිටියි. ක්‍රීඩකයින් තිදෙනෙකුට කොවිඩ් 19 ආසාදනය වී තිබේ.
සදුන් වීරක්කොඩි, ජෙහාන් ඩැනියල්, සංගීත් කුරේ, කුෂාන් ජයවික්‍රම, ළහිරු ගමගේ, අශාන් රන්දික හා ලසිත් ඇඹුල්දෙණිය ශාරීරික යෝග්‍යතා පරීක්ෂණයෙන් අසමත් වී ඇත.
මේ අතර, සචිදු කොළඹගේ, නිමේෂ් විමුක්ති හා මොහොමඩ් ෂිරාස් යන ක්‍රීඩකයින් තිදෙනාට කොවිඩ් 19 ආසාදනය වී ඇති බවයි ශ්‍රී ලංකා ක්‍රිකට් ආයතනය නිවේදනය කර සිටියි.
හිමාෂ ලියනගේ Blues කණ්ඩායමෙන් Greys කණ්ඩායම වෙත මාරු කර තිබේ.
එමෙන්ම කමිල් මිෂාර Greens කණ්ඩායමෙන් Greys කණ්ඩායම වෙතත්, ප්‍රභාත් ජයසූරිය Greys කණ්ඩායමෙන් Reds කණ්ඩායම වෙතත්, මාරු කළ බවයි ක්‍රිකට් ආයතනය සදහන් කර සිටියි.