සිමෙන්ති මිල නගී
සීනි, ගෑස්, කිරිපිටි ඇතුළු අත්‍යවශ්‍ය භාණ්ඩවල හිඟයක් මෙන්ම ඇතැම් ද්‍රව්‍යවල මිල ඉහළ යෑම සම්බන්ධයෙන් කතාබහට ලක්වන මොහොතක සිමෙන්ති කොට්ටයක මිල ද ඉහළ ගොස් ඇති බව වාර්තාවනවා.
රුපියල් 950ත්, 1005 ත් අතර මිලකට අලෙවි වූ, සිමෙන්ති කොට්ටයක මිල මේ වන විට රුපියල් 1100 ඉක්මවා ඇති බවයි වෙළඳපොල ආරංචි මාර්ග සදහන් කළේ.
කරුණාකර අපේ ෆේස්බුක් පිටුව ලයික් කරන්න!
පාරිභෝගික කටයුතු පිළිබද අධිකාරියෙන් විමසීමක් කළ අතර එහි ප්‍රකාශකයෙකු සදහන් කළේ දිවයිනේ ප්‍රදේශ කිහිපයකින් සිමෙන්ති වැඩි මිලට අලෙවි කරන බවට තොරතුරු වාර්තා වී ඇති බවයි.
එහෙත් කිසිදු අවස්ථාවක තම අධිකාරිය සිමෙන්ති මිල වැඩි කිරීම සඳහා සමාගම් වෙත අවසර ලබාදී නොමැති බව එම ප්‍රකාශකයා කියා සිටියා.