බී ලූණු, සීනි සහ අර්තාපල් මිල අසාමාන්‍ය ලෙස ඉහළ ගොස් ඇත
බී ලූණු, සීනි සහ අර්තාපල් මිල අසාමාන්‍ය ලෙස ඉහළ ගොස් ඇතැයි සිල්ලර වෙළෙන්දන් පවසන බව මාධ්‍ය වාර්තා කර ඇත.
සුදු සීනි කිලෝවක තොග මිල රුපියල් 130ක් දක්වා ඉහළ ගොස් ඇති බවත් ඒ හේතුවෙන් වෙළෙඳපොල තුළ සීනි හිඟයක් ඇති වී ඇති බවත් වාර්තා වේ.
ලොකු ලූනු කිලෝවක තොග මිල රුපියල් 150ත් 160ත් අතර වීම නිසා මේ වන විට ලොකු ලූනු කිලෝවක සිල්ලර මිල රුපියල් 200ක් දක්වා ඉහළ ගොස් ඇත.
දේශීය ලොකු ලූනු අස්වනු නෙලීම ආරම්භ වීම නිසා ලූණු මිල ඉහළ යෑම සාමාන්‍ය තත්වයක් බව සමහර දෙනෙක් පවසයි.
ගිය අවුරුද්දෙත් නොවැම්බර් සහ දෙසැම්බර් මාසවලදී ලොකු ලූණු කිලෝවක් රුපියල් 400 ක් දක්වා ඉහළ ගිය අතර ලංකා අර්තාපල් කිලෝවක කොළඹ තොග මිල රුපියල් 130 ත් 140 ත් අතර වීමත් සමඟ සිල්ලර මිල රුපියල් 200 දක්වා ඉහළ ගොස් තිබිණ.
ආනයනික අර්තාපල් කිලෝවක තොග මිල රුපියල් 110 ත් 115 ත් අතර පැවතීම හේතුවෙන් අල කිලෝවක සිල්ලර මිල රුපියල් 160 ත් 180 ත් දක්වා ඉහළ ගොස් ඇත.