සුදුළූණු දත්තත් මකලා : වැලිසර මහේස්ත්‍රාත් අධිකරණයට දැනුම් දී ඇත.
ලංකා සතොස රජයේ සිල්ලර වෙළෙන්දාගේ පරිගණක දත්ත ගබඩාවෙන් සුදුළූණු වංචාවට අදාළ වැදගත් දත්ත මකා දමා හෝ විනාශ කර ඇති බව විමර්ශකයින් විසින් වැලිසර මහේස්ත්‍රාත් අධිකරණයට දැනුම් දී ඇත.
ලංකා සතොස ආයතනයේ කාර්මික අංශයේ සහකාර කළමනාකරුගේ ප්‍රකාශය මත අපරාධ පරීක්ෂණ දෙපාර්තමේන්තුව (සීඅයිඩී) විසින් මෙය අධිකරණයට හෙළිදරව් කර තිබේ.
එම ප්‍රකාශය අනුව සුදුළූණු වංචාව සිදු වූ දිනට පසු දින ලංකා සතොස පරිගණක දත්ත ගබඩාවෙන් සුදුළූණු ගනුදෙනුවට අදාළ දත්ත මකා දැමීම හෝ විනාශ කිරීම සිදුව ඇත.
කරුණාකර අපේ ෆේස්බුක් පිටුව ලයික් කරන්න!
පසුගිය බ්‍රහස්පතින්දා (14) වැලිසර මහේස්ත්‍රාත් හේෂාන්ත ද මෙල් මහතා ඉදිරියේ නඩුව කැඳවූ අවස්ථාවේදී අපරාධ පරීක්ෂණ දෙපාර්තමේන්තුව ප්‍රකාශ කළේ සහකාර කළමනාකරුගේ ප්‍රකාශය අනුව සුදුළූණු ගනුදෙනුවෙන් පසු යමෙකු ලංකා සතොස පරිගණක දත්ත ගබඩාවට ඇතුළු වී අදාළ දත්ත විනාශ කර හෝ මකා දමා ඇති බවයි.