ලංකාවට ලකුණු 297ක දැවැන්ත ඉලක්කයක් …..

පළමු එක්දින තරගය ජය ගැනීමට ශ්‍රී ලංකාවට ලකුණු 297 ක ඉලක්කයක් සිම්බාබ්වේ කණ්ඩායම විසින් ලබාදුන්නේය.

තරගය පැවැත්වෙන්නේ පල්ලේකැලේ ජාත්‍යන්තර ක්‍රීඩාංගණයේදීයි.

තරගයේ කාසියේ වාසිය දිනූ සිම්බාබ්වේ කණ්ඩායම පළමුවෙන් පන්දුවට පහර දුන් අතර ඒ අනුව නියමිත පන්දුවාර 50 අවසානයේ කඩුලු 09 ක් දැවී ඔවුන් ලකුණු 296 ක් ලබා ගත්තේය.

ෂෝන් විලියම්ස් ශතකයක් රැස්කල අතර රෙජිස් චකබ්වා ලකුණු 72 ක් ලබා ගත්තේය.

පන්දු යැවීමේදී චාමික කරුණාරත්න ලකුණු 69 කට කඩුලු 03 ක් බිඳහෙලු අතර නුවන් ප්‍රදීප් සහ ජෙෆ්රි වැන්ඩර්සේ කඩුලු 02 බැගින් ලබාගත්හ.

මෙම තරගයේදී ශ්‍රී ලංකාව වෙනුවෙන් චාමික ගුණසේකර එක්දින වරම් දිනා ගැනීම ද විශේෂිතය.