ලංකාව : රට ඇතුළෙ අවුල විසඳගන්නකම් IMF සල්ලි නෑ!
ලංකාව, සිය රට තුළ පවතින අවුල් විසදාගන්නා තෙක් ජාත්‍යන්තර මූල්‍ය අරමුදල ණය පහසුකම් ලබා නොදෙනු ඇතැයි ජෝන් හොප්ස්කින් විශ්ව විද්‍යාලයේ මහාචාර්යවරියක පවසයි.
රට දිගින් දිගටම අර්බුද තත්ත්වයක (ක‍්‍රයිසිස් මෝඞ්) පවතින විට ජාත්‍යන්තර මූල්‍ය අරමුදලට රජය සමග සහසම්බන්ධතාවයෙන් කටයුතු කළ නොහැකි බව ඇය පවසා තිබේ.
ලංකාව මාස ගණනක් තිස්සේ ඇදී යන මහජන උද්ඝෝෂණවලින් හෙම්බත් වී තිබේ. එමෙන්ම රට නිදහසින් පසුව එය මුහුණ දී තිබෙන ගැඹුරුතම ආර්ථික අර්බුදයට ගොදුරු වී තිබේ.
ආණ්ඩුවේ වැරදි මූල්‍ය කළමණාකාරණයට එරෙහිව ජනතාව වීදි බැස ඇති අතර, ආහාර, ඖෂධ හා ඉන්ධන ලබා ගැනීමට ජනතාව අරගලයක නිරතව සිටියි.
පසුගිය සතියේ හිටපු ජනාධිපති ගෝඨාභය රාජපක්ෂ මහතා රටින් පලාගිය අතර, ඉන් පසුව, රනිල් වික‍්‍රමසිංහ මහතා ජනාධිපති ධූරයට පත් කරගෙන තිබේ.
නායකත්වයේ ඇති වූ මෙම වෙනස විරෝධතාකරුවන් තෘප්තිමත් කර ඇද්ද යන්න සැක සහිතය.
ජාත්‍යන්තර මූල්‍ය අරමුදල ණය ලබා දෙන්නේ, ඔවුන්ගේ ණය ආපසු අයකරගත හැකි තත්ත්වයක් රටක ඇති විටනම් පමණි. එසේ තිබිය දී ත් ලංකාවේ අස්ථාවර භාවය දිගින් දිගටම ඇදී යන බවක් පෙනෙන්නට තිබේ.
රජයේ ආදායම සහ වියදම් හොදින් ගැලපෙන බව ජාත්‍යන්තර මූල්‍ය අරමුදලට සහතික විය යුතුයි.
මේ සියල්ල සම්බන්ධයෙන් සහතිකයක් නොලැබෙන්නේ නම්, ශ‍්‍රී ලංකාවට ජාත්‍යන්තර මූල්‍ය අරමුදලෙන් කිසිදු සහනයන් නොලැබෙනු ඇතැයි මහාචාර්යවරිය පවසා තිබේ.
ලිපියට මෙතැනින් පිවිසෙන්න.
https://www.cnbc.com/2022/07/22/sri-lanka-wont-get-imf-bailout-until-chaos-ends-johns-hopkins-professor.html?fbclid=IwAR0BHvKLu8BWcAYulfe1QwXAI9VirxubVr7o-LYilL8JXiD7Y0dvdQHiXr8