කුරුණෑගල නගරාධිපති ධූරයෙන් පහ කරයි….
වයඹ පළාත් ආණ්ඩුකාර අද්මිරාල් ඔෆ්ද ෆ්ලීට් වසන්ත කරන්නාගොඩ විසින් අති විශේෂ ගැසට් නිවේදනයක් නිකුත් කරමින් කුරුණෑගල නගරාධිපති තුෂාර සංජීව විතාන එම ධූරයෙන් පහ තිබේ.
කුරුණෑගල නගරාධිපතිවරයා විසින් මෙම වර්ෂයට අදාළව ඉදිරිපත් කරන ලද අයවැය ලේඛනය සම්මත නොකිරීම සහ 2020 වසරේ මහනගර සභා අයවැය සම්පාදනය හා බලාත්මක කිරීමේ නියෝග ප්‍රකාරව කටයුතු නොකිරීම හේතුවෙන් ධූරයෙන් පහ කර ඇති බව එම ගැසට් නිවේදනයේ දක්වා ඇත.
කරුණාකර අපේ ෆේස්බුක් පිටුව ලයික් කරන්න!
පසුගිය දෙසැම්බර් 31 සිට ක්‍රියාත්මක වන පරිදි ඔහු ධුරයෙන් ඉල්ලා අස්වූවා සේ ලෙස සළකන බව ආණ්ඩුකාරවරයා නිකුත් කළ ගැසට් නිවේදනයේ වැඩිදුරටත් දක්වා තිබේ.
එමෙන්ම නගරාධිපති ධුරය පුරප්පාඩු වූවා සේ සළකා එහි රාජකාරි ආවරණය කිරීමේ වගකීම නියෝජ්‍ය නගරාධිපතිවරයා වෙත පවරා ඇත.