ළමා නිවාසයක දැරියන්ට අතවර කළ 82 හැවිරිදි පාස්ටර්වරයකු අත්අඩංගුවට
කෝපායි, ඉරුපාලෙයි ප්‍රදේශයේ ළමා නිවාසයක සිටි දැරියන් 4 දෙනෙකුට ලිංගික අතවර කිරීමේ චෝදනාව මත එම ළමා නිවාසයෙහි පාලක පාස්ටර්වරයා පොලිසිය විසින් අත් අඩංගුවට ගෙන තිබේ.
මෙසේ අත් අඩංගුවට ගෙන ඇත්තේ ගල්කිස්ස ප්‍රදේශයේ පදිංචි 82 හැවිරිදි පාස්ටර්වරයෙකි.
කරුණාකර අපේ ෆේස්බුක් පිටුව ලයික් කරන්න!
අදාළ ළමා නිවාසයෙන් පැනගිය දැරියන් තිදෙනෙකු පසුගියදා පොලිසිය විසින් සිය භාරයට ගෙන තිබුණු අතර ඒ ඔස්සේ සිදුකළ විමර්ශනවලදී මෙම පාස්ටර්වරයාගේ ක්‍රියාකලාපය පිළිබඳ අනාවරණය වී තිබිණි.
ඒ අනුව අධිකරණය විසින් නිකුත් කළ වරෙන්තුවක් මත ගල්කිස්ස ප්‍රදේශයේදී ගල්කිස්ස පොලිසිය විසින් අදාළ පාස්ටර්වරයා අත් අඩංගුවට ගෙන ඇති අතර ඔහුව ගල්කිස්ස මහේස්ත්‍රාත් අධිකරණයට ඉදිරිපත් කිරීමෙන් අනතුරුව රුපියල් ලක්ෂ 10 බැගින් වූ ශරීර ඇප දෙකක් මත මුදාහැර ඇති අතර ඔහුට විදෙස් ගමන් තහනමක් ද පනවා තිබේ.