වැල්ලවත්ත ශ්‍රී බෝධිරුක්ඛාරාමයේ සර්වඥ ධාතු ප්‍රදර්ශනයට සජිත්-ජලනි එක්වෙති!
වැල්ලවත්ත ඓතිහාසික ශ්‍රී බෝධිරුක්ඛාරාම විහාරස්ථානයේ උතුම් වෙසක් උලෙල නිමිති කොටගෙන කපිලවස්තු ශ්‍රී සර්වඥධාතුන් වහන්සේලා ප්‍රදර්ශනය ඊයේ පැවැති අතර එම අවස්ථාවට විපක්ෂ නායක සජිත් ප්‍රේමදාස මහතා ද සහභාගි විය.
අමරපුර සිරි සද්ධම්මවංශ මහා නිකායේ බස්නාහිර පළාත් සභික,කොළඹ නව තොටමුණේ ප්‍රධාන සංඝනායක, විහාරාධිපති පූජ්‍යපාද වස්කඩුවේ ධම්මිස්සර නාහිමිපාණන් වහන්සේ බැහැ දැක ආශිර්වාද ලබා ගත් විපක්ෂ නායකතුමා, ආගමික කටයුතුවලට ද කටයුතුවලට ද සහභාගි විය.
ඉන් අනතුරුව විපක්ෂ නායකතුමා විහාරස්ථානය වෙත පැමිණ සිටි සැදැහැවතුන් සමග සුහද පිළිසඳරක යෙදීමට ද අමතක නොකළේය.
එම අවස්ථාවට සහභාගි වූ ජලනි ප්‍රේමදාස මැතිනිය කපිලවස්තුපුර ධාතුන් වහන්සේලා වැඳපුදා ගත් අතර ආගමික කටයුතුවලට ද කටයුතුවලට ද සහභාගි වූවාය.
කපිල වස්තු ධාතු නමින් මෙකල හඳුන්වනුයේ භාග්‍යවත් සම්මා සම්බුදුරජාණන් වහන්සේගේ ශ්‍රී ශරීරය දහනය කොට ශේෂ වූ අස්ථි වලින් එක් කොටසක් ලබාගත් කපිල වස්තුවේ ශාක්‍ය රජ දරුවන් විසින් අදින් වසර 2400 කට පමණ පෙර ඉදි කරන ලද චෛත්‍යය කැණීම් කර සොයා ගත් ධාතු කරඬුවේ තිබුණු සම්බුද්ධ ධාතූන් වහන්සේලාය.
කපිලවස්තුපුර ශ්‍රී සර්වඥධාතුන් වහන්සේලා ප්‍රදර්ශනය වැල්ලවත්ත ඓතිහාසික ශ්‍රී බෝධිරුක්ඛාරාම විහාරස්ථානයේ පැවැත්වෙනුයේ තිස් වැනි වතාවටය.