අමිර් ඛාන් නැවතත් ක්‍රීඩා චිත්‍රපටයක
ක්‍රීඩාව පදනම් කරගත් චිත්‍රපට කිහිපයකම රඟපැ සුපිරි බොලිවුඩ් සිනමා නළු අමිර් ඛාන් නැවතත් එවැනිම චිත්‍රපටයක් සඳහා ඉදිරියේදී යොමු වීමට සූදානමින් සිටින බව වාර්තා වෙයි. මේ වසරේ කරීනා කපූර් සමගින් ‘ලාල් චඩ්ඩා සිං’ චිත්‍රපටය හරහා ප්‍රේක්ෂකයින් හමුවීමට සූදානමින් සිටින ඔහු තවත් චිත්‍රපට කිහිපයකම වැඩ භාර ගනිමින් සිටින බවද සඳහන් වෙයි.
කෙසේ වෙතත්, ඔහු භාරගත් සියලු චිත්‍රපට නවතා දමා ‘සුබා මංගල් සාවදාන්’ චිත්‍රපටය අධ්‍යක්ෂණය කළ ආර්.එස් ප්‍රසන්න අධ්‍යක්ෂණය කරන්නට නියමිත ක්‍රීඩා චිත්‍රපටයක් කෙරෙහි අමිර්ගේ අවධානය මේ වනවිට යොමුව ඇතැයි වාර්තා වෙයි. එහෙත්, තවමත් මේ චිත්‍රපටය කවදා කෙදින රූපගත කරන බවට තොරතුරු වාර්තා වී නොමැත.
කරුණාකර අපේ ෆේස්බුක් පිටුව ලයික් කරන්න!