මාර්තු මාසයේ පළමු සතියේ සිට සාමාන්‍ය ජනතාව සඳහා කොවිඩ් එන්නත් : සුදර්ශනී ප්‍රනාන්දුපුල්ලේ
මාර්තු මාසයේ පළමු සතියේ සිට සාමාන්‍ය ජනතාව සඳහා කොවිඩ් එන්නත් ලබාදීමට බලාපොරොත්තුවන බව ප්‍රාථමික සෞඛ්‍ය සේවා, වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පවසයි.
අද (05) කොළඹදී මාධ්‍ය වෙත අදහස් දක්වමින් අමාත්‍යවරිය පැවසුවේ එන්නත් කිරීම තුළින් කිසිදු ප්‍රධාන අතුරු අබාධයක් මෙතෙත් වාර්තා වී නොමැති බවයි.
කරුණාකර අපේ ෆේස්බුක් පිටුව ලයික් කරන්න!
එමෙන්ම උණ සහ ඇඟේ අමාරුව වැනි රෝග ලක්ෂ සමාන්‍ය දෙයක් බවත් එහිදි ඇය පැහැදිලි කර සිටියි.
“ඔක්ස්ෆර්ඩ් ඇස්ට්‍රා සෙනෙකා කොවිෂීල්ඩ්” එන්නතේ එක් මාත්‍රාවකින් පමණක් කොවිඩ් – 19 වෛරසය පැතිරීමේ හැකියාව 67%කින් පමණ අඩුවන බවට අනාවරණය වී ඇති බවද ඇය එහිදී සඳහන් කරයි.
වාර්තාවන ආසාදිතයන් සංඛ්‍යාව අඩුවන විට PCR සහ ඇන්ටිජන් පරික්ෂණ සංඛ්‍යාව ද අඩුකළ හැකි බව අමාත්‍යවරිය වැඩිදුරටත් පවසයි.