වැඩි අවදානම් කණ්ඩායම් වෙත එන්නත් ලබාදීමට අවධානය
කොවිඩ් -19 ප්‍රතිශක්තිකරණ වැඩසටහනට අනුව හඳුනාගත් වැඩි අවදානම් කණ්ඩායම් වෙත එන්නත් ලබා දිමේ කටයුතු ඉදිරි දින කිහිපය තුළ සිදුකිරීමට නියමිතව තිබේ.
වසංගත රෝග විද්‍යා අංශය සඳහන් කළේ, පසුගිය මස 29 වන දින ආරම්භ කළ කොවිඩ් -19 ප්‍රතිශක්තීකරණ වැඩසටහන යටත් ඊයේ (07) දිනය වන විට පුද්ගලයින් 161,773 දෙනෙකුට එන්නත් ලබා දි ඇති බවය.
කරුණාකර අපේ ෆේස්බුක් පිටුව ලයික් කරන්න!
සෞඛ්‍ය කාර්ය මණ්ඩලයට එන්නත් ලබාදීමෙන් අනතුරුව වැඩි අවදානම් පුද්ගලයින් සඳහා එන්නත් ලබාදීමේ කටයුතු ආරම්භ කරන බව ප්‍රාථමික සෞඛ්‍ය සේවා , වසංගත රෝග හා කොවිඩ් රෝග පාලන කටයුතු රාජ්‍ය අමාත්‍යාංශ ලේකම් වෛද්‍ය අමල් හර්ෂ ද සිල්වා මහතා සඳහන් කළේය.
මේ අතර කොළඹ නගර සභා සීමාව තුළ සිටින සියලු සෞඛ්‍ය කාර්ය මණ්ඩලය සඳහා මේ වන විට අවසන් කර ඇති බව කොළඹ මහ නගර සභාවේ වසංගත රෝග විද්‍යාවේදීනි වෛද්‍ය දිනූකා ගුරුගේ මහත්මිය පැවසුවාය.