70 වන ගුවන් හමුදා සංවත්සරය වෙනුවෙන් ගුවන් සංදර්ශනයක්

70 වන ගුවන් හමුදා සංවත්සරයට සමගාමීව ගුවන් හමුදා සංදර්ශනයක් පැවැත්වීමට සැලසුම් කර තිබේ.

හෙට (02) දිනට යෙදී ඇති 70 වන ගුවන් හමුදා සංවත්සරයට සමගාමීව එම ගුවන් යානා සංදර්ශනය පැවැත්වෙන බව ගුවන් හමුදාපති එයාර් වයස් මාෂල් සුදර්ශන පතිරණ මහතා සඳහන් කළේය.

මාර්තු 3,4 සහ 5 යන දිනවල දී කොළඹ ගාලුමුවදොර පිටියේ පැවැත්වීමට නියමිත එම ගුවන් යානා සංදර්ශනය සදහා ඉන්දීය ගුවන් හමුදාව ද සහය ලබා දී තිබේ.

ලබන 3 වන දා එම සංදර්ශනය ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ආරම්භ වීමට නියමිතය.